Ydych chi'n edrych i brynu Beic Oddi ar y Ffordd neu Feic Cwad newydd?

Helo drigolion

Mae reidio beiciau modur neu gwadiau oddi ar y ffordd yn hobi poblogaidd – os cânt eu defnyddio'n gyfrifol gallant fod yn hwyl fawr, ond dim ond ar dir preifat y gellir eu reidio pan fydd gennych ganiatâd gan berchennog y tir. Fodd bynnag, nid teganau yw'r rhain, a gellir eu defnyddio mewn ffyrdd peryglus, anghyfreithlon a gwrthgymdeithasol hefyd. Gallant achosi marwolaeth ac anaf difrifol, yn ogystal â phroblemau a gofid i bobl eraill.

Rydym yn derbyn cwynion yn rheolaidd ynghylch defnydd gwrthgymdeithasol beiciau modur a chwadbeiciau oddi ar y ffordd. Yn anffodus, mae criwiau ambiwlans hefyd yn cael eu galw allan i blant ac oedolion sydd wedi dioddef anafiadau difrifol o ganlyniad i ddefnyddio'r beiciau hyn yn anghyfreithlon a heb wisgo unrhyw ddillad amddiffynnol na helmed.

Er mwyn lleihau niwed, cynhelir gweithrediadau’r heddlu ledled de Cymru ac nid ydym yn ymddiheuro am atafaelu beiciau modur a chwadiau oddi ar y ffordd a ddefnyddir yn anghyfreithlon, ac erlyn beicwyr. Gall rhieni a gofalwyr sy’n caniatáu i blant ddefnyddio’r cerbydau hyn yn anghyfreithlon hefyd fod yn atebol am ddirwy a phwyntiau cosb ar eu trwydded yrru.

Os oes gennych unrhyw gwestiynau am y cyfreithiau sy'n ymwneud â beiciau neu gwadbeiciau oddi ar y ffordd, ewch i www.askthe.police.uk .

Oes angen i chi siarad â'r heddlu ond does dim angen ymateb brys arnoch chi?

Gallwch wneud adroddiad ar-lein drwy ein gwefan https://www.south-wales.police.uk , anfon neges breifat atom drwy Sgwrs Fyw, neu ffonio 101. Mewn argyfwng, ffoniwch 999 bob amser.