Dyma rai awgrymiadau sylfaenol i'ch helpu i aros yn ddiogel wrth deithio, boed at ddibenion gwaith neu at ddibenion cymdeithasol.

Cyn cychwyn:

Cynllunio a Pharatoi : Cyn i chi adael i fynd allan, cynlluniwch eich taith a'r cludiant y byddwch chi'n ei ddefnyddio. Ystyriwch beth allai fod ei angen arnoch chi o ran arian/cardiau a'r amser y byddwch chi adref. Hysbyswch rywun am eich taith arfaethedig, pwy rydych chi'n ei gyfarfod a sut rydych chi'n mynd i gyrraedd adref. Ystyriwch a allwch chi deithio adref gyda ffrind a gwnewch yn siŵr eich bod chi'n ymwybodol o amser y bws/trên olaf.

Peth syml - ond ceisiwch gofio sicrhau bod eich ffôn wedi'i wefru'n llawn cyn i chi fynd allan fel y gallwch wneud galwadau os oes angen.

Byddwch yn ymwybodol o'ch amgylchoedd bob amser, arhoswch ar strydoedd sydd wedi'u goleuo'n dda a cheisiwch gadw at lwybrau rydych chi'n eu hadnabod orau. Os nad ydych chi'n gyfarwydd ag ardal neu lwybr, gwnewch yn siŵr eich bod chi wedi cynllunio'ch taith ymlaen llaw gan ddefnyddio golygfa stryd ac amserlenni trafnidiaeth gyhoeddus. Fel 'na, fyddwch chi ddim yn sefyll yn edrych ar eich ffôn mewn ardaloedd anghyfarwydd yn ceisio dod o hyd i'ch ffordd o gwmpas.

Byddwch yn effro ac yn ymwybodol o'ch amgylchoedd . Osgowch sgwrsio ar eich ffôn symudol neu wrando ar gerddoriaeth ar eich clustffonau, gan y gall hyn dynnu eich sylw oddi wrth eich amgylchoedd neu unrhyw arwyddion perygl posibl.

Os ydych chi'n cario bag, cadwch ef yn agos at eich corff a chadwch eich pethau gwerthfawr allan o'r golwg ac yn ddiogel.

Os ydych chi allan yn y nos, ceisiwch gadw at strydoedd prysur lle byddwch chi'n agos at bobl eraill. Osgowch fannau peryglus fel ardaloedd heb lawer o oleuadau, parciau diffaith neu lonydd tawel ac ynysig.